नोभल कोरोना भाइरसको महामारीबाट नेपाली जनतालाई सुरक्षित राख्‍न अमेरिकी सरकारबाट थप १८ लाख डलर प्रदान

चैत ६, २०७६

काठमाडौँ: अमेरिकी सरकारले नेपाल सरकारको नोभल कोरोना भाइरस (कोभिड-१९) सम्बन्धी तयारी तथा प्रतिकार्यलाई सशक्त बनाउन थप १८ लाख डलर सहयोगको सगर्व घोषणा गरेको छ । यो रकम अमेरिकी अन्तर्राष्‍ट्रिय विकास नियोग (युएसएआइडी) को सङ्क्रामक सरुवा रोगविरुद्ध आपत्कालीन सञ्‍चित कोषको एक हिस्सा हो । कुल रकममध्येको झन्डै ११ लाख डलर कोभिड-१९ को रोकथाम’boutमा समुदायहरूलाई शिक्षित बनाउन र उक्त भाइरससम्बन्धी गलत जानकारी विरुद्ध लड्न युएसएआइडीका चालु स्वास्थ्य कार्यक्रमहरूको विस्तार गर्न प्रयोग हुनेछ । बाँकी ७ लाख डलरले विश्‍व स्वास्थ्य सङ्‍गठनमार्फत कार्यान्वयन भएका हाल जारी तयारी तथा प्रतिकार्य क्रियाकलापहरूलाई टेवा पुर्‍याउनेछ ।

यस आपत्कालीन कोष अमेरिकी जनताको उदार सहयोगका कारण सम्भव भएको हो । यो रकम २०७६ फागुन २३ गते अमेरिकी सरकारद्वारा स्वास्थ्य तथा जनसङ्‍ख्या मन्त्रालयलाई हस्तान्तरण गरिएका व्यक्तिगत सुरक्षा उपकरण (पिपिई) को खेपका अतिरिक्त हो ।

कोभिड-१९ प्रति युएसएआइडीको प्रतिकार्यका ’boutमा थप जानकारीका लागि हेर्नुहोस्: https://www.usaid.gov/coronavirus-covid-19