Language
An official website of the United States government
An official website of the United States government
Official websites use .gov
A .gov website belongs to an official government organization in the United States.
Secure .gov websites use HTTPS
A lock (
) or https:// means you’ve safely connected to the .gov website. Share sensitive information only on official, secure websites.
कुनै पनि अमेरिकी नागरिक नेपालमा पक्राउ परेमा, हराएमा, हिंसात्मक अपराधको पीडित भएमा, बिरामी वा मृत्यु भएमा, वा आकस्मिक सहयोग प्राप्त गर्नुपर्ने स्थिति आएमा उक्त व्यक्तिलाई काठमाडौंस्थित अमेरिकी दूतावासको कन्सुलर शाखाले मद्दत गर्न सक्नेछ
अन्तर्राष्ट्रिय अभिभावकको बच्चा अपहरण भनेको बच्चालाई हटाउने वा उनीहरूको अभिभावकको संरक्षक अधिकारको हननको लागि उनीहरूको स्वभावको बसोबासको देश बाहिर राख्नु हो।
अमेरिकी विदेश मन्त्रालय विदेशका कारागारमा रहेका अमेरिकी नागरिकहरूप्रतिको निष्पक्ष तथा मानवीय व्यवहार सुनिश्चित गर्न प्रतिबद्ध छ । अन्तर्राष्ट्रिय, आन्तरिक तथा वैदेशिक कानून अनुरूप हाम्रो अधिकारक्षेत्र भित्र रहेसम्म हामी जेलमा रहेका अमेरिकी नागरिक र तिनका परिवारहरूको सहयोगका लागि हमेसा तयार छौं ।
कुनै पनि परिवार वा साथीका लागि आफ्नो प्रियजनको मृत्यु एक दुःखदायी घडी हो । नेपालमा मृत्यु हुँदा के कस्ता विकल्प छन् र के कस्ता प्रक्रिया अपनाउनु पर्दछ भन्ने ’bout दूतावासले मृतकको नजिकको नातेदारलार्इ जानकारी प्रदान गर्न सक्दो प्रयास गर्दछ । यस्तो दुःखद घडीमा हामी मृतक लगायत सबैलार्इ सम्मानका साथ व्यवहार गरियोस् भन्ने कुराको सुनिश्चित गर्न चाहन्छौं ।
घटनाको सम्बन्धमा उजुरी गर्न तथा तुरुन्त सहयोग प्राप्त गर्नका लागि समेत स्थानीय प्रहरीलाई सम्पर्क गर्न जरुरी छ । नेपालमा प्रहरीलाई सम्पर्क गर्नको लागि १०० डायल गर्नुहोस् । आफ्नो व्यक्तिगत रेकर्डको लागि प्रहरी रिपोर्टको एक प्रति लिनहुन हामी सुझाव दिन्छौं ।
नेपालस्थित अमेरिकी नागरिकलाई पैसा पठाउने सबैभन्दा भरपर्दो तरिका भनेको उक्त व्यक्तिको अमेरिकी बैंक खातामा रकम जम्मा गरिदिने र उसलाई ए.टि.एम. कार्डद्वारा नेपालमा पैसा झिक्न लगाउने हो । त्यस्तो विकल्प सम्भव छैन भने हामी तपाईंलाई वेस्टर्न युनियन वा त्यस्तै सेवा प्रदान गर्ने अन्य सेवा प्रदायक मार्फत पैसा पठाउन सुझाव दिन्छौं । यदि दुबै विकल्प सम्भव छैन भने तपाईंले कुनै पनि बैंकबाट रकमान्तर गर्न सक्नुहुन्छ ।
विश्वभरका लाखौँ मानिसहरूका लागि कन्सुलर अफेयर्स अमेरिकी विदेश मन्त्रालयको सार्वजनिक मुहार हो । हामी थुप्रै प्रकारका सेवाहरू प्रदान गर्दछौँ । सबैभन्दा चल्तीका सेवाहरूलाई तल सूचीकृत गरिएको छ ।
सामाजिक सुरक्षासम्बन्धी आवेदन वा दाबीका सम्बन्धमा अमेरिकी वा नेपाली नागरिकको सहयोगका लागि काठमाडौंस्थित अमेरिकी दूतावासको अमेरिकी नागरिक सेवा इकाइसँग सीमित स्रोत मात्र उपलब्ध छ । नेपाललाई हेर्ने सबैभन्दा नजिकको सामाजिक सेवा प्रशासन कार्यालय फिलिपिन्सको मनिलास्थित अमेरिकी दूतावासमा रहेको छ । तपाईंले मनिलास्थित फेडेरल बेनेफिट्स युनिट (Federal Benefits Unit) लाई प्रत्यक्ष सम्पर्क गर्न सक्नुहुन्छ
विदेशमा रहेका भूतपूर्व सैनिकहरूले आफूले प्राप्त गर्ने सुविधाहरूको लागि आफ्नै कम्प्युटरबाट अनलाइन मार्फत आवेदन गर्न सक्छन् । उक्त आवेदन फारम Veterans Online Application (VONAPP) भर्नका लागि तपाईंको कम्प्युटरमा चारवटा तोकिएको ब्राउजरमध्ये एक हुनु पर्दछ र १२८ बिट इन्क्रिप्शन (128-bit encryption) को न्यूनतम क्षमता हुनुपर्दछ । यदि तपाईंको कम्प्युटरमा सही ब्राउजर छैन भने भेटेरन्स बेनेफिट्सको वेबसाइटबाट निःशुल्क डाउनलोड गर्न सक्नुहुन्छ । भेटेरन्स बेनेफिट्स (Veterans Benefits) को वेबसाइटले तपाईंले इन्क्रिप्शन सफ्टवेयर (encryption software) डाउनलोड गर्नु पर्ने नपर्ने ’bout बताउनेछ र यदि पर्ने हो भने निःशुल्क डाउनलोड गर्न मिल्ने लिङ्क उपलब्ध गराउनेछ । कृपया ख्याल गर्नुहोस् उक्त इन्क्रिप्शन सबै देशमा काम नगर्न सक्छ । (VONAPP) उपलब्ध नभएको खण्डमा सबैभन्दा नजिकैको अमेरिकी दूतावास वा वाणिज्यदूतावासले तपाईंलाई मद्दत गर्न सक्नेछ ।
आन्तरिक राजस्व सेवा (अमेरिकी कर)
काठमाडौँस्थित अमेरिकी दूतावासमा आन्तरिक राजस्व सेवा (IRS) को कार्यालय छैन । अमेरिकी करसम्बन्धी तयारी गर्ने र विवरण दाखिला गर्ने सम्बन्धी सोधपुछका ’boutमा मद्दत गर्न ACS का कर्मचारी असमर्थ छन् । विदेशमा बसोबास गर्ने अमेरिकी नागरिक र बासिन्दाहरूलाई कर दाखिला गर्ने समयमा आन्तरिक राजस्व सेवा (IRS) ले मार्गदर्शन गर्दछ । अन्तर्राष्ट्रिय करदाता, विदेशमा बस्ने करदाता, वैदेशिक करदाताका लागि भिडियोहरू, र IRS को विदेशमा रहेका अमेरिकी नागरिक तथा रेजिडेन्ट एलियनका लागि निर्देशिका का निम्ति ती लिङ्कहरूमा क्लिक गर्नुहोस् ।
विदेशस्थित अमेरिकी दूतावास तथा कन्सुलेटहरूले सेलेक्टिभ सर्भिस सिस्टममा रजिस्ट्रेशनका लागि सहयोग गर्छन् । यस समयमा सेलेक्टिभ सर्भिस सिस्टमको अनलाइन दर्ता गर्ने साइट विदेशस्थित सहभागीहरूका लागि अस्थायी रूपमा अनुपलब्ध छ । सुरक्षाका कारण विदेशस्थित सहभागीहरूले तल दिइएको फारम भरी सेलेक्टिभ सर्भिस सिस्टमको निम्न ठेगानामा पठाउनुपर्नेछ
The Department of State assumes no responsibility or liability for the professional ability or reputation of, or the quality of services provided by, the entities or individuals whose names appear on the following lists. Inclusion on this list is in no way an endorsement by the Department or the U.S. government. Names are listed alphabetically, and the order in which they appear has no other significance. The information on the list is provided directly by the local service providers; the Department is not in a position to vouch for such information.
कानुनी सहायता स्वास्थ्य सहायता नोटोरियलकृपया ध्यान दिनुहोला : काठमाडौंमा रहेका केही कानुनी कानुन व्यवसायी र ल फर्महरूको सूची तल दिइएको छ । तर उहाँहरूको व्यावसायिक क्षमता, साख, र उहाँहरूले प्रदान गर्ने सेवाको गुणस्तरका वियषमा अमेरिकी विदेश मन्त्रालयले कुनै जिम्मेवारी लिँदैन । यस सूचीमा उल्लेख हुनुको अर्थ अमेरिकी विदेश मन्त्रालय वा अमेरिकी सरकारले उहाँहरूलाई आधिकारिकता दिएको छ भन्ने होइन । तल दिइएका नामहरू वर्णानुक्रमका आधारमा सूचीकृत गरिएका हुन् र त्यस बाहेक सूचीमा उल्लेख भएको क्रमले अन्य कुनै अर्थ राख्दैन । सूचीमा उल्लेख गरिएको व्यहोराअनुसारको सेवा स्थानीय सेवा प्रदायकहरूले प्रत्यक्ष्य उपलब्ध गराउँछन् र अमेरिकी विदेश मन्त्रालय ती सेवाहरूको समर्थन वा प्रमाणीकरण गर्नसक्ने अवस्थामा छैन । तल उल्लिखित व्यक्तिहरूसम्बन्धी थप जानकारी स्थानीय बार एसोसिएसन वा लाइसेन्स प्रदान गर्ने स्थानीय प्राधिकरणसँग लिन सकिनेछ ।
नोट : यहाँ दिइएको सूचीमा उल्लिखित व्यक्ति वा संस्थाहरूको व्यावसायिक क्षमता र उहाँहरूले प्रदान गर्ने सेवाको गुणस्तरका ’boutमा अमेरिकी विदेश मन्त्रालय कुनै जिम्मेवारी लिँदैन । यस सूचीमा उल्लेख हुनुको अर्थ अमेरिकी सरकारले उहाँहरूलाई आधिकारिकता दिएको छ भन्ने कदापि होइन । त्यस्तै, यो सूची वर्णमानुक्रम अनुसार दिइएको हो, यसले अरु कुनै अर्थ राख्दैन । यहाँ उल्लेख गरिएका विवरण सम्बन्धित सेवा प्रदायकले नै उपलब्ध गराउनुभएको हो, यसको जिम्मा अमेरिकी विदेश मन्त्रालयले लिँदैन ।
यदि तपाईं नेपालमा आफ्ना अमेरिकी साथी वा परिवारका सदस्यका कहाँ छन् वा कस्तो हालतमा छन् भनेर चिन्तित हुनुहुन्छ र उनीहरूलाई सम्पर्क गर्न सकिरहनुभएको छैन भने अमरिकी दूतावासले सहयोग गर्नसक्छ । नेपाल आउने व्यक्तिहरू त्यस्ता दुर्गम ठाउँमा पनि गएका हुन सक्छन्, जहाँ बिजुली, इन्टरनेट, वा मोबाइल फोनको कभरेज हुँदैन । ट्रेकिङमा जाने, स्वयंसेवीहरू, वा अन्य पर्यटकलाई यस्तो बेला आफ्ना साथी वा परिवारसँग सम्पर्क गर्न कठिनाइ भइरहेको हुनसक्छ । यदि अस्वाभाविक रूपमा वा सोचेभन्दा बढी समयसम्म उनीहरू सम्पर्कमा आएनन् भने दूतावासमा सम्पर्क गर्नुहोला ।
नेपाल आउने कतिपय अमेरिकी नागरिक यहाँका पिछडिएका वर्ग र बालबालिकाको हितका लागि कुनै अनाथालय वा अन्य संस्थामा काम गर्न इच्छुक हुन्छन् । कोही चाहिँ नगद वा सामग्रीहरू दिएर सहयोग गर्न चाहन्छन् । यो प्रशंसनीय प्रयास हो । तर धेरै यस्ता स्वयंसेवा वा सहयोग ती अनाथालय वा बालगृहहरूमा गरिन्छन्, जो वास्तवमा परोपकारका लागि खोलिएका हुँदैनन् । दूतावासले यस’bout सूचनाहरू पाएको छ, जसलाई हामीले गम्भीरतापूर्वक लिएका छौं । ती अनाथालय वास्तवमा नाफा कमाउनका लागि खोलिएका संस्थाहरू हुन सक्छन्, जसको उद्देश्य विदेशबाट पैसा ल्याउने वा स्वयंसेवीहरूबाट दान लिने मात्र हुन्छ । ती अनाथालयमा राखिने अधिकांश बालबालिका अनाथ हुँदैनन् । त्यस्ता संस्थामा स्वयंसेवा गर्नु भनेको अप्रत्यक्ष रूपमा बालशोषणलाई सघाउनु हो ।
औंठाछाप सेवा (फिंगरप्रिन्टिङ सर्भिस)
दूतावासले अमेरिकी आप्रवासनसम्बन्धी प्रक्रियाजस्ता केही सीमित अवस्थामा मात्र औंठाछाप सेवा दिन सक्छ । विदेशमा धर्मसन्तान ग्रहण वा अन्य आप्रवासनसम्बन्धी प्रक्रियाका लागि औंठाछाप सेवा लिन आवश्यक भएमा अपोइन्टमेन्टका लागि consktm@state.gov मा इमेल गर्नुहोला । यस्तो अपोइन्टमेन्ट मङ्गलबार वा शुक्रबार दिउँसो दुई बजेका लागि लिन सकिनेछ । यो सेवाका लागि प्रतिव्यक्ति ८५ अमेरिकी डलर तिर्नुपर्ने हुन्छ, जुन क्रेडिट कार्डमार्फत वा नगदमा (अमेरिकी डलर वा नेपाली रुपैयाँमा) तिर्न सकिनेछ । यो सेवा लिनका लागि तपाईंले आफ्नो पूरा नाम, जन्ममिति, पासपोर्ट नम्बर, उचाइ र तौलको विवरण दिनुपर्नेछ ।
सूचना : नेपालमा बसोबास गरिरहेका अमेरिकी नागरिकले सन् २०११ अगस्ट १५ तारिखपछि काठमाडौंस्थित अमेरिकी दूतावासमा ‘पेटिसन फर एलियन रिलेटिभ’ (विदेशी नातेदारका लागि दरखास्त फारम) बुझाउन पाउने छैनन् । विस्तृत जानकारीका लागि हेर्नुहोस्
धर्मसन्तान ग्रहण जन्म विवाहनेपालबाट धर्मसन्तान ग्रहण गर्न चाहने अमेरिकी नागरिकहरूले यस’bout http://adoptions.state.gov मा गर्इ थप जानकारी लिन सक्नुहुन्छ
जन्म
यदि अमेरिकी अध्यागमन तथा राष्ट्रियता ऐन अन्तर्गत अमेरिकी नागरिकता प्रसारका अनिवार्यताहरू बाबु/आमाबाट पूरा हुने भएमा अमेरिकाबाहिर अमेरिकी नागरिक बाबु वा आमा वा बाबुआमाबाट जन्मिएको बच्चा अमेरिकी नागरिकताका निम्ति योग्य हुनसक्छ । नागरिकता प्रसार गर्न योग्य अमेरिकी नागरिकहरूले कन्सुलर रिपोर्ट अफ बर्थ अब्रोड (सीआरबीए) को अनुरोध गर्नु अनिवार्य छ ।
विवाह गर्न लाग्नुभएकोमा तपाईंलाई बधाई छ ! नेपालमा विवाह गर्न इच्छुक अमेरिकी नागरिक वा वैध स्थायी बासिन्दाले नेपाल सरकारको विवाहसम्बन्धी नियम पालना गर्नुपर्ने हुन्छ, अनि मात्र विवाह वैधानिक ठहरिनेछ । नेपालमा विवाहसम्बन्धी कानुन र प्रक्रिया केही जटिल हुनसक्छ । यसका लागि कुनै कानुन व्यवसायी र सम्बन्धित विज्ञसँग सम्पर्क राख्नुहुन हाम्रो सुझाव छ । आफ्नो विवाह दर्तासम्बन्धी पछिल्लो जानकारीका लागि काठमाडौँस्थित जिल्ला अदालतमा सम्पर्क राख्नुहोला ।
कृपया कल गर्नुहोस्: 01-4234000
कार्यालय समयबाहेकमा, सम्पर्क गर्नुहोस्: 01-4234000
नेपालबाहिर: +977-1-4234000
आपतकालीन सम्पर्क - सबै स्थानहरू STEP मा नामाङ्कन गर्ने अन्तर्राष्ट्रिय बाल अपहरण अमेरिकी नागरिकको गिरफ्तारी अमेरिकी नागरिकको मृत्यु अपराध पीडित आकस्मिक आर्थिक सहायता
