नेपालस्थित अमेरिकी दूतावास

सिंहावलोकन

सिक्नुहोस्, आदानप्रदानमा सहभागी हुनुहोस्, वृद्धि गर्नुहोस् र सेवा गर्नुहोस् । सांस्कृतिक, शैक्षिक वा व्यावसायिक आदानप्रदानका लागि अमेरिका जान चाहने गैरअमेरिकी नागरिकका लागि अमेरिकी विदेश मन्त्रालयले थुप्रै कार्यक्रमहरू सञ्चालन गर्दछ । गैरअमेरिकी नागरिकहरूलाई अमेरिकी संस्कृति र अङ्ग्रेजी भाषाका बारेमा थप जान्नबुझ्न सक्षम बनाउने विश्वभरका देशहरूमा रहेका स्थानीय अवसरहरूले यस्ता कार्यक्रमहरूलाई थप बल प्रदान गर्दछन् ।

आदानप्रदान कार्यक्रमका पूर्वसहभागीसम्बन्धी स्रोत तथा अवसरहरू

https://alumni.state.gov मा गई आदानप्रदान कार्यक्रमका पूर्वसहभागीहरूको समुदायमा सामेल हुनुहोस् र आफ्नो आदानप्रदान अनुभवलाई निरन्तरता दिन र आफ्नो कार्यक्रममार्फत सिकेका सिपहरूको जगमा थप काम गर्न तपाईँलाई सघाउनका लागि सहयोग, स्रोतसाधन र आर्थिक स्रोतका अवसरहरूको दुनियाँको दैलो उघार्नुहोस् ।

https://alumni.state.gov मा भएको तपाईँको खातामार्फत तपाईँले

• • • Candid को Foundation Directory Online (FDO) र Grants to Individuals (GTI) मार्फत अनुदानका विभिन्न अवसरमा पहुँच पाउनुहुनेछ

    • Gale र EBSCO का प्रथम प्राज्ञिक डाटाबेसमार्फत पत्रपत्रिका, प्राज्ञिक जर्नल र लेखहरू पढ्न सक्नुहुनेछ

    • स्थानीय र विश्वव्यापी रूपमा सञ्जालमा जोडिनका लागि पूर्वसहभागीहरू भेट्नुहुनेछ

    • #MentorTalks जस्ता लाइभ (प्रत्यक्ष) कार्यक्रमसम्बन्धी सूचनामूलक जानकारी लगायत पूर्वसहभागीसम्बन्धी ताजा खबर पाउन सक्नुहुनेछ

    • आफ्नो व्यापारिक सोचलाई अर्को तहमा पुर्‍याउनका लागि अमेरिकी सरकारका उद्यमशीलतासम्बन्धी स्रोतसाधनमा पहुँच पाउन सक्नुहुनेछ

लग इन नगरेर पनि प्राप्त गर्न सकिने स्रोतसाधनहरू छन्, जस्तै Enabling Entrepreneurs पृष्ठ । त्यसका अतिरिक्त हाम्रा LinkedIn पृष्ठ, Facebook , Twitter र Instagram मार्फत पनि तपाईँ हामी र आदानप्रदान कार्यक्रमका अन्य पूर्वसहभागीहरूसँग जोडिन र पूर्वसहभागीसम्बन्धी ताजा खबर पाउन सक्नुहुन्छ ।