आन्तरिक राजस्व सेवा (अमेरिकी कर)

आन्तरिक राजस्व सेवा (अमेरिकी करहरू)

काठमाडौँस्थित अमेरिकी दूतावासमा आन्तरिक राजस्व सेवा (IRS) को कार्यालय छैन । अमेरिकी करसम्बन्धी तयारी गर्ने र  विवरण दाखिला गर्ने सम्बन्धी सोधपुछका ’boutमा मद्दत गर्न ACS का कर्मचारी असमर्थ छन् ।

विदेशमा बसोबास गर्ने अमेरिकी नागरिक र बासिन्दाहरूलाई कर दाखिला गर्ने समयमा आन्तरिक राजस्व सेवा (IRS) ले मार्गदर्शन गर्दछ ।

अन्तर्राष्ट्रिय करदाता, विदेशमा बस्ने करदाता, वैदेशिक करदाताका लागि भिडियोहरू, र IRS को विदेशमा रहेका अमेरिकी नागरिक तथा रेजिडेन्ट एलियनका लागि निर्देशिका का निम्ति ती लिङ्कहरूमा क्लिक गर्नुहोस् ।

विदेश बसाइका दौरान अमेरिकी सङ्घीय आयकरसम्बन्धी विवरण दाखिला गर्ने जिम्मेवारी तपाईँकै हो भनी स्टेट डिपार्टमेन्ट सबै अमेरिकी नागरिक तथा वैध स्थायी बासिन्दा विदेशीलाई स्मरण गराउँछ

विवरण दाखिला क-कसले गर्नुपर्छ ?
सबै अमेरिकी नागरिक र आवासीय विदेशी (resident aliens) ले अमेरिकी व्यक्तिगत आयकर विवरण दाखिला गराउनै पर्छ, चाहे उनीहरू स्थायी रूपमै अमेरिकाबाहिर बसुन् र आय बहिष्करण वा कर छुटका कारण कुनै करको दायित्व नभएका होउन् । तपाईँ चाहे अमेरिकाभित्र या विदेशमा हुनुहोस्, आय, सम्पत्ति, र उपहार करको विवरण दाखिला गर्ने र अनुमानित कर तिर्ने नियम सामान्यतया: उही हुन्छन् । तपाईँको बसाइ जहाँ भए पनि तपाईँले विश्‍वको जुनसुकै ठाउँमा आर्जन गरेको आम्दानीमा अमेरिकी आयकर लागु हुन्छ ।

के मैले मेरो विवरण भुक्तानी हुलाकबाट पठाउन सक्छु ?
तपाईँले तपाईँको कर विवरण र भुक्तानी हुलाक सेवा वा स्वीकृतिप्राप्‍त निजी वितरण सेवाको प्रयोग गरी पठाउन सक्नुहुन्छ । स्वीकृत वितरण सेवा प्रदायकहरूको सूची IRS.gov मा उपलब्ध छ । यदि तपाईँले यो विवरण अमेरिका बाहिरबाट हुलाकमार्फत पठाउनु भयो भने, हुलाकको छाप नै दाखिलाको मिति मानिनेछ । तर यदि तपाईँले भुक्तानी – तपाईँको विवरणका साथ वा अलग्गै – हुलाकमार्फत पठाउनु भयो भने उक्त भुक्तानी वास्तविक रूपमा प्राप्‍त भएको मितिभन्दा पहिले प्राप्‍त गरेको मानिने छैन ।

के मेरो विवरण विद्युतीय माध्यमबाट दाखिला गराउन सक्छु ?
तपाईँले तपाईँको आयकर विवरण विद्युतीय माध्यमबाट तयारी र दाखिला गराउन सक्नुहुन्छ, र धेरैजसो निःशुल्क रूपमा नै । यसमा सहभागी कम्पनीहरूले आफ्ना उत्पादनहरू IRS मार्फत उपलब्ध गराउँछन् । विद्युतीय-दाखिला (E-File) गर्ने विकल्पहरू (https://www.irs.gov/Filing/E-File-Options) IRS.gov मा सूचीकृत छन् ।

के दूतावासमा कर बुझाउन सक्छु वा मद्दत पाउन सक्छु ?
दुर्भाग्यवश, दूतावासका नियमले कन्सुलरका कर्मचारीलाई तपाईँका करसम्बन्धी कागजात लिन वा करको तयारी गर्ने सम्बन्धमा सल्लाह दिन निषेध गर्छन् । यद्यपि, कृपया ध्यानमा राख्‍नुहोस्, IRS ले अमेरिकाबाहिर अवस्थित व्यक्ति र व्यवसायहरूलाई टेलिफोन, फ्याक्स, वा अन्तर्राष्ट्रिय करदाता वेबसाइटको इमेलमार्फत करसम्बन्धी सहायता प्रदान गर्छ ।

व्यक्तिगत करदाता पहिचान नम्बर (Individual Taxpayer Identification Number, ITIN) को आवेदन प्रक्रियामा सहयोगका लागि दूतावासको कन्सुलर शाखाका कर्मचारीले अमेरिकी नागरिक, बासिन्दा, र गैरआवासीय विदेशीका पहिचान दिने कागजातका प्रमाणित प्रतिलिपि बनाइदिन सक्छन् । नोटेरिअल अपोइन्टमेन्ट (notarial appointment) लिनुहोस् र तपाईँको अपोइन्टमेन्टको समयमा आफ्नो फोटो भएको परिचयपत्रका साथै ५० अमेरिकी डलर लिएर दूतावास आउनुहोस् ।

IRS सँग सम्पर्कसम्बन्धी जानकारी:

विदेशमा बस्ने अमेरिकी नागरिक तथा वैध स्थायी बासिन्दाहरू (ग्रिन कार्ड भएका) ले हुलाकबाट अमेरिकी कर विवरण पठाउने ठेगाना:

Department of the Treasury
Internal Revenue Service Center
Austin, TX 73301-0215
USA

फाराम 1040-ES का साथ अनुमानित कर भुक्तानीहरू हुलाकबाट पठाउने ठेगाना:

Internal Revenue Service
P.O. Box 1300
Charlotte, NC 28201-1300
USA

करको ’boutमा मद्दत कसरी पाउने

फिलाडेल्फियामा रहेको IRS कार्यालयले अन्तर्राष्ट्रिय करसम्बन्धी मद्दत प्रदान गर्छ । यो कार्यालय सोमवारदेखि शुक्रवारसम्म इएसटी (EST) अनुसार बिहानको ६ बजेदेखि रातिको ११ बसेसम्म खुला रहन्छ र यहाँ निम्नानुसार सम्पर्क गर्न सकिन्छ:

  • फोन: १ (२६७) ९४१-१००० (निःशुल्क होइन)
  • फ्याक्स:१ (२६७) ९४१-१०५५
  • इमेल: IRS लाई इमेल गर्ने

(इमेल करसम्बन्धी आम प्रश्‍नहरूका लागि हो; तपाईँको खातासम्बन्धी प्रश्‍नका लागि होइन ।)

  • हुलाक: Internal Revenue Service
  • Philadelphia, Pa 19255-0725

विगतमा विदेशी ड्युटी पोस्टहरूमा प्रदान गरिने करदाता सेवा हाल उपलब्ध छैन । अन्तर्राष्ट्रिय सेवाहरू’bout विस्तृत जानकारीका लागि यहाँ हेर्नुहोस्: अन्तर्राष्ट्रिय IRS कार्यालयसँग सम्पर्क गर्ने ।

तपाईँका करसम्बन्धी फाराम र पत्राचार निम्नलिखित ठेगानामध्ये तपाईँलाई लागु हुनेमा पठाउनु होस् ।

अमेरिकाबाहिर अवस्थित व्यक्तिगत करदाताहरूले IRS लाई हुलाकमार्फत पनि सम्पर्क गर्न सक्छन्:

Internal Revenue Service
International Accounts
Philadelphia, PA 19255-0725

अमेरिकाबाहिर अवस्थित करदाता व्यवसायहरूले IRS लाई हुलाकमार्फत पनि सम्पर्क गर्न सक्छन्:

Internal Revenue Service
International Accounts
Ogden, UT 84201-0038

कृपया नोट गर्नुहोस्: विदेशको बसाइले अमेरिकी नागरिकहरूलाई सङ्घीय आयकर विवरणसम्बन्धी अनिवार्यताहरू—जसलाई आम्दानीले निर्धारण गर्छ न कि स्थानले—बाट छुट दिलाउँदैन । यद्यपि, विदेशको बसाइ र/वा आम्दानीले व्यक्तिको कर दायित्वमा फरक पार्न सक्छ । अमेरिकाका वैध स्थायी बासिन्दा र अमेरिकामा सम्पत्ति वा व्यवसायगत सरोकार भएकाहरूको पनि कर दायित्व हुन सक्छन् । विस्तृत जानकारीका लागि IRS सँग परामर्श लिनुहोस् ।

नसुल्झिएका कर समस्यासम्बन्धी सहायता
यदि तपाईँलाई आर्थिक हानी गरिरहेको वा सामान्य माध्यमबाट समाधान नभएको करसम्बन्धी कुनै समस्या छ भने तपाईँले करदाता अधिवक्तासँग सम्पर्क राख्‍न सक्नुहुन्छ ।

कर विवरण तयार गरिदिने कोही चाहियो ?
IRS सँग विश्‍वभर रहेका प्रमाणपत्र तथा विशिष्ट योग्यतायुक्त सङ्घीय कर विवरण तयारकर्ताहरू को डाइरेक्ट्री हुन्छ ।

वैदेशिक सम्पत्तिको रिपोर्टिङ; पालना गर्ने प्रयासहरू बढाउन, दोहोरिएका अनिवार्यताहरू हटाउन, विदेशस्थित अमेरिकी व्यक्तिमाथिको बोझ घटाउन आवश्यक कार्यहरू

सन् २०१९ अप्रिल ०१ मा GAO ले GAO-१९-१८० वैदेशिक सम्पत्तिको रिपोर्टिङ; पालना गर्ने प्रयासहरू बढाउन, दोहोरिएका अनिवार्यताहरू हटाउन, र विदेशस्थित अमेरिकी व्यक्तिमाथिको बोझ घटाउन आवश्यक कार्यहरू जारी गरेको छ । FATCA रिपोर्टिङ अनिवार्यताहरूका परिणाम स्वरूप, विदेशमा बसोबास गर्ने अमेरिकी नागरिकहरूले हाल सामना गरिरहेका समस्याहरू – वित्तीय सेवाहरूसम्म पहुँच पाउने, रोजगारी गर्ने, र सोसल सेक्युरिटी नम्बर प्राप्‍त गर्नेसँग सम्बन्धित लगायतका – लाई विदेश मन्त्री (Secretary of State)  र कमिस्नर अफ सोसल सेक्युरिटीसँगको संयोजनमा संयुक्त रूपमा सम्बोधन गर्ने प्रयासहरूको नेतृत्व गर्न GAO ले अर्थ मन्त्री (Secretary of the Treasury) लाई सिफारिस गरेको छ ।

 

प्रश्‍न १: को अमेरिकी नागरिक हो ?

उत्तर: अमेरिकी कानुन अन्तर्गत, अमेरिकामा जन्म भएको वा कङ्ग्रेसबाट निर्धारित वैधानिक सर्तहरू पुरा गरेका अमेरिकी नागरिक बाबु/आमा वा बाबुआमाबाट विदेशमा जन्म लिएको व्यक्तिले जन्मजात नै अमेरिकी नागरिकता प्राप्‍त गर्न सक्छन् । विदेशमा जन्मिएको कारणले जन्मजातै अमेरिकी नागरिकता प्राप्‍त नगर्ने व्यक्तिले जन्मपश्‍चात् कुनै समयमा, कङ्ग्रेसले गर्ने व्यवस्था अनुसार अमेरिकी नागरिकता (नेचुरलाइजेसन) हासिल गर्न सक्छ ।

  • अमेरिकामा जन्मजातै वा नेचुरलाइजेसन मार्फत अमेरिकी नागरिकता । १४औँ अमेन्डमेन्ट (14th Amendment) अन्तर्गत, “अमेरिकामा जन्मेका वा नेचुरलाइज्ड भएका सबै व्यक्ति, जो यस देशको क्षेत्राधिकारका अधीन छन्, अमेरिका र तिनले बसोबास गर्ने राज्यका नागरिक हुन् ।” त्यसै गरी, अध्यागमन तथा राष्ट्रियता ऐन (Immigration and Nationality Act) को दफा ३०१(ए) को व्यवस्था अनुसार, अमेरिकामा जन्मिएको र यसको क्षेत्राधिकारका अधीन रहेको व्यक्ति एक अमेरिकी र अमेरिकाको नागरिक हो । कूटनीतिक एजेन्ट स्तरको उन्मुक्तिसहित जन्म लिएका व्यक्तिहरूमा सीमित अपवाद बाहेक, अमेरिकी कानुनको रूपमा र मनसायप्रति निरपेक्ष तवरमा, अमेरिकामा जन्मेका सबै व्यक्तिले जन्मजात नै अमेरिकी नागरिकता प्राप्‍त गर्दछन् ।
  • अमेरिकी बाबु/आमा वा बाबुआमाबाट अमेरिकाबाहिर भएको जन्मका आधारमा अमेरिकी नागरिकता (वंशजमा आधारित नागरिकता) । अमेरिकी बाबु/आमा वा बाबुआमाबाट अमेरिकाबाहिर जन्मिएको व्यक्तिले जन्मजातै अमेरिकी नागरिकता प्राप्‍त गर्छ यदि ती बाबु/आमा वा बाबुआमाले अध्यागमन तथा नागरिकता ऐनको दफा ३०१ मा र त्यसपछाडि निर्दिष्‍ट सर्त पुरा गर्दछन् भने ।

अमेरिकी नागरिकता सम्बन्धी कानुन तथा नीति हेर्नुहोस् ।

प्रश्‍न २: वैदेशिक खाता कर पालना ऐन (Foreign Account Tax Compliance Act , FATCA) के हो ?

उत्तर: सन् २०१० मा हायर ऐन (HIRE Act; सार्वजनिक कानुन नं १११-१४७) को एक अंश स्वरूप पारित वैदेशिक खाता कर पालना ऐन (FATCA) ले सामान्यतः केही निश्‍चित विदेशी वित्तीय संस्थाहरूलाई तिनका अमेरिकी खाताहरू’boutमा र केही निश्‍चित गैरवित्तीय विदेशी निकायहरूलाई उल्लेख्य अमेरिकी मालिकहरू’boutको सूचना अनिवार्य रूपमा रिपोर्ट गर्न अन्यथा रोक्का गर्न सकिने भुक्तानीहरूको रोक्काको भागीदार हुने व्यवस्था गरेको छ ।

प्रश्‍न ३: विदेशमा बस्‍ने अमेरिकी नागरिक हुँ मेरो वित्तीय संस्थाले मेरो अमेरिकी करदाता पहिचान नम्बर वा सोसल सेक्युरिटी नम्बर मागेको ता कि उक्त संस्थाले वैदेशिक खाता कर पालना ऐन (FATCA) सम्बन्धी आवश्यकताहरू को पालना गर्न सकोस् के मैले त्यो जानकारी उपलब्ध गराउनु पर्छ ?

उत्तर: हो । FATCA अन्तर्गत, विदेशी वित्तीय संस्थाहरूले आफ्ना ग्राहकहरू अमेरिकी नागरिक हुन् या हैनन् भन्ने निर्धारण गर्नु अनिवार्य छ । अमेरिकी नागरिकले वित्तीय संस्थाको यथोचित सजगतासम्बन्धी (due diligence) आवश्यकताहरूको एक हिस्साको रूपमा अमेरिकी करदाता पहिचान नम्बर (Taxpayer Identification Number; TIN) उपलब्ध गराउनु पर्छ, साधारणतया आत्म-प्रमाणीकरणमा । आत्म-प्रमाणीकरणमा (IRS Form W-9 जस्तै) ग्राहकको नाम, ठेगाना, र अमेरिकी TIN समावेश हुन्छन् । अमेरिकी नागरिकका लागि आफ्नो सोसल सेक्युरिटी नम्बर (SSN) नै TIN हो ।

प्रश्‍न ४: विदेशमा रहेका अमेरिकी नागरिकले सोसल सेक्युरिटी कार्डका लागि आवेदन कहाँ दिन सक्छन् ?

उत्तर: विदेशमा बस्ने अमेरिकी नागरिकहरूले पहिलो पटकको सोसल सेक्युरिटी कार्ड वा प्रतिलिपि सोसल सेक्युरिटी कार्डको लागि तोकिएका अमेरिकी दूतावास वा वाणिज्य दूतावासका कुनै पनि सोसल सेक्युरिटी फेडरल बेनिफिट्स युनिट (FBU) मा आवेदन दिन सक्छन् । सोसल सेक्युरिटी एडमिनिस्ट्रेशन (SSA) ले FBUs को सूची यहाँ राखेको छ: www.ssa.gov/foreign/foreign.htm

१२ वर्ष भन्दा कम उमेरका आवेदकले मूल SSN का लागि हुलाकमार्फत आवेदन गर्न सक्छन् । ती आवेदकले भरिएको सोसल सेक्युरिटी फाराम SS-5 तथा आवश्‍यक प्रमाणहरू (सक्कल कागजात या ती रेकर्डका संरक्षकद्वारा प्रमाणित प्रतिलिपीहरू) आफूलाई सेवा प्रदान गर्ने FBU मा पठाउन सक्छन् । विगतमा SSN कहिल्यै नलिएका १२ वर्ष वा माथिको उमेरका आवेदकहरूले स्वयं उपस्थित भई अन्तर्वार्ता दिनुपर्छ ।

प्रतिलिपि कार्डका आवेदकहरूले हुलाकमार्फत आवेदन गर्न सक्छन् । मूल SSN र प्रतिलिपि कार्ड दुवैका लागि उही फारामको प्रयोग गरिन्छ । उक्त फारामले SSN र जिवनीसम्बन्धि जानकारी सोध्दछ । SSN अज्ञात भएमा, SSA ले जिवनीसम्बन्धि जानकारीका आधारमा SSN को खोजी गर्न सक्छ । SSN नभेटिएमा, SSA ले उक्त तथ्य उल्लेख गरी पत्र पठाउँनेछ र आवेदकलाई SSN का लागि आवेदन गर्न भन्नेछ ।

कुनै अमेरिकी नागरिकको बसोबास भएको देशमा रहेको अमेरिकी दूतावास वा वाणिज्य दूतावासमा SSA FBU नभएको खण्डमा, ती अमेरिकी नागरिक आफू निकटको अमेरिकी दूतावास वा वाणिज्य दूतावासको कन्सुलर शाखामा जान सक्छन्, जसले आवेदन सङ्कलन गरि निर्णयका लागि SSA मा पठाउनेछ । विदेशस्थित SSA FBU को पूर्ण सूचीको लागि कृपया यहाँ हेर्नुहोस्: www.ssa.gov/foreign/foreign.htm।

आवेदकहरूले समय (अपोइन्टमेन्ट) लिनुपर्ने हुन्छ, जुन काम इमेल वा फोनबाट गर्न सकिन्छ ।

प्रश्‍न ५: विदेशमा बस्ने कुनै अमेरिकी नागरिकलाई आफ्नो सोसल सेक्युरिटी नम्बर थाहा छैन अथवा आफ्नो सोसल सेक्युरिटी नम्बर छ-छैन भन्ने पनि थाहा छैन भने, के विदेशस्थित सोसल सेक्युरिटी फेडरल बेनिफिट्स युनिट (FBU) ले सोसल सेक्युरिटी नम्बरको पुष्‍टि गर्न सक्छ ?

उत्तर: आफूसँग पहिले नै SSN छ-छैन भन्ने पत्ता लगाउन व्यक्तिले FBU मा स्वयं उपस्थित भई सोधपुछ गर्न सक्छ । उक्त व्यक्तिले उचित पहिचान उपलब्ध गराएमा, FBU ले व्यक्तिगत रूपमा SSN प्रदान गर्न सक्दछन् । FBU ले प्रतिलिपि SSN कार्डका अलावा अरू कुनै लिखित पुष्‍टि प्रदान गर्न सक्दैन । उक्त सोधपुछकर्तालाई SSN को लिखित प्रमाण चाहिएमा, तिनले प्रतिलिपि SSN कार्डका लागि आवेदन गर्नुपर्छ । फोन वा पत्रमार्फत SSN बताउन SSA लाई कानुनले निषेध गरेको छ, चाहे त्यो उक्त नम्बरको बाहकलाई नै किन नहोस् । कृपया नोट गर्नुहोस्, यो सोधपुछ प्रत्यक्ष रूपमा FBU मा गर्नुपर्छ र FBU नभएको दूतावासको वा विदेशस्थित वाणिज्य दूतावासको कन्सुलर शाखामा गर्न सकिदैन ।

नोट: समय क्षेत्रहरूबिचको भिन्नता तथा अद्यावधिक गर्न र मर्मतसम्भारका लागि रातको समय (इस्टर्न टाइम अनुसार) मा SSA प्रणालीहरू अफलाइन हुनुका कारण, सबै FBU को सबै स्थानीय कार्यालय समयमा SSA कम्प्युटर प्रणालीहरूमा पहुँच हुँदैन ।

प्रश्‍न ६: सोसल सेक्युरिटी कार्डका लागि आवेदन गर्न कुन कागजात आवश्‍यक पर्छ ?

उत्तर: सोसल सेक्युरिटी ऐन (Social Security Act) को दफा २०५(सी)(२)(बी)(ii) ले व्यवस्था गरे अनुसार आवेदकहरूले तिनका उमेर, परिचय, र नागरिकता वा वैध गैरनागरिक हैसियत स्थापित गर्न प्रमाण पेश गर्नुपर्छ । यी अनिवार्यताहरूका ’boutमा २० सीएफआर खण्ड ४२२, उपखण्ड बी का धाराहरू ४२२.१०३-११० ले थप जानकारी प्रदान गर्छन् ।

SSN का लागि, चाहे त्यो मूल होस् या प्रतिलिपि, वा नाम या जिवनीसम्बन्धी अरू तथ्य फेरबदल गर्नका लागि होस्, सबै आवेदकहरूले उही फाराम SS-5 FS को प्रयोग गर्छन् । यो सेवा निशुल्क हुन्छ । मूल वा प्रतिलिपि सोसल सेक्युरिटी कार्डका लागि आवश्यक प्रमाणहरूका ’boutमा SS-5 FS फारामको पृष्‍ठ २ मा उल्लेख गरिएको छ । आवश्यक कागजातका ’boutमा जानकारीका लागि कृपया यो पनि हेर्नुहोस्: https://www.ssa.gov/ssnumber/ss5doc.htm

अधिकांश अवस्थामा, पूर्ण वैधतासहितको र म्याद नसकिएको अमेरिकी पासपोर्ट अमेरिकी नागरिकता, उमेर, र पहिचानका लागि पर्याप्‍त प्रमाण हुन्छ, तर सोसल सेक्युरिटी कार्ड/नम्बरको आवेदन प्रयोजनका लागि यो यी तिनमध्ये दुई तथ्य मात्र स्थापित गर्न प्रयोग गर्न सकिन्छ । तेस्रो तथ्य प्रमाणित गर्न थप एक कागजात आवश्यक हुन्छ । उदाहरणका लागि, यदि अमेरिकी पासपोर्ट अमेरिकी नागरिकता र पहिचान स्थापित गर्न प्रस्तुत गरियो भने आवेदकको उमेर स्थापित गर्न अर्को कागजात, जस्तो कि जन्मदर्ता प्रमाणपत्र, आवश्‍यक हुन्छ ।

यदि उक्त अमेरिकी नागरिकको जन्म विदेशमा अमेरिकी बाबु र/वा आमाबाट भएको हो र ‍तिनले अमेरिकामा कहिल्यै बसोबास गरेका छैनन् भने, अथवा तिनी अमेरिकामा जन्मेको वा पछिमात्र नेचुरलाइज्ड भएका तर अधिकांश जिवन विदेशमा बसेका छन् भने SSA ले पहिचानको थप कागजात माग गर्न सक्छ ।

पहिचानको प्रयोजनका लागि विदेशी पासपोर्टको सक्कल स्विकारयोग्य हुन्छ तर साथमा अमेरिकी जन्मदर्ता प्रमाणपत्र, पूर्ण वैधतासहितको र म्याद नसकिएको अमेरिकी पासपोर्ट, विदेशमा अमेरिकी नागरिकको जन्मको कन्सुलर रिपोर्ट (FS-240), वा नागरिकताको प्रमाणपत्र (Certificate of Citizenship; N-560/N-561) जस्ता अमेरिकी नागरिकताको प्रमाण संलग्न हुनुपर्छ । यदि ती अमेरिकी नागरिक नेचुरलाइज्ड हुन् भने, तिनले अमेरिकी नागरिकताको प्रमाणस्वरूप नेचुरलाइजेसन प्रमाणपत्र (Certificate of Naturalization; N-550/N-570) वा नागरिकताको प्रमाणपत्र (Certificate of Citizenship; N-560/N-561) प्रस्तुत गर्न सक्नेछन् ।

कागजात पूर्ण हुनै पर्छ र यथेष्‍ट प्रमाण दिनका लागि व्यक्तिले अमेरिका छोडेदेखि वर्तमानसम्मको मितिभित्रको हुनै पर्छ । कागजातहरूमा निम्‍नलिखित समावेश गर्न सकिन्छ:

  • वैदेशिक दर्ता कार्यालयहरूबाट बसोबासको पुष्‍टि
  • शैक्षिक संस्थाको रेकर्ड, जस्तो कि रिपोर्ट कार्ड, शैक्षिक संस्थाले तयार पारेको हाजिरीको मिति पुष्‍टि गर्ने पत्र
  • यात्रा कागजात, जस्तो कि हाल जारी वा रद्द पासपोर्टहरू (अमेरिकी या अन्य)
  • रोजगारीका रेकर्डहरू
  • स्वास्थ्यसम्बन्धी रेकर्डहरू
  • डाक्टर वा क्लिनिकमा दर्ता भएको प्रमाण

आवेदकहरूले उनीहरूलाई SSN कहिल्यै दिइएको छैन भन्ने खुलाउन पनि कागजात पेश गर्नुपर्छ:

  • यदि आवेदकले लामो अवधि अमेरिकाबाहिर बसोबास गरेका भए, आफूसँग SSN नभएको देखाउन हालको वा पहिलेको पासपोर्ट, शैक्षिक संस्था र/वा रोजगारीका रेकर्ड, र अमेरिकाबाहिरको दीर्घकालिक बसोबास देखाउने अन्य कुनै रेकर्ड प्रयोग गर्न सक्छन् ।
  • यदि आवेदक अमेरिकामा बसोबास गरेको र मूल सोसल सेक्युरिटी नम्बरका लागि आवेदन गर्दै भए, आवेदकलाई SSN कहिल्यै नदिइएको खुलाउनका लागि तिनले पढेका शैक्षिक संस्था’boutको जानकारी वा करसम्बन्धि अभिलेखका प्रतिलिपी उपलब्ध गराउन माग हुन सक्छ ।

प्रश्‍न ७: अमेरिकी नागरिकले प्रवासन गर्न आफू अमेरिकी नागरिक भएको अवस्थाको अन्त्य कसरी गर्न सक्छन् ?  

उत्तर: एक वयस्क अमेरिकी नागरिकले अमेरिकी नागरिकता त्याग्ने अभिप्रायका साथ, अध्यागमन तथा राष्‍ट्रियता ऐनको दफा ३४९ (ए) मा सूचीबद्ध प्रवासन गराउने सम्भावनानिहित कार्यमध्ये कुनै एक स्वैच्छिक रूपमा गरी अमेरिकी नागरिकता त्याग्न सक्छन् । अध्यागमन तथा राष्ट्रियता ऐनका दफाहरू ३४९(ए)(१)-(५) का आधारमा व्यक्तिले अमेरिकी दूतावास अथवा वाणिज्य दूतावासमा स्वयं उपस्थित भई राष्ट्रियता परित्याग प्रमाणपत्र (Certificate of Loss of Nationality) का लागि आवेदन गर्न सक्छन् ।

अमेरिकी नागरिकता कानुन तथा नीति हेर्नुहोस् ।

प्रश्‍न ८: राष्ट्रियता परित्यागको प्रक्रिया सम्पन्न गर्न कति समय लाग्छ ?

उत्तर: राष्ट्रियता परित्यागको मामला पूरा गर्न व्यक्तिले सोधपुछ सुरू गरेपछिको महिनौँसम्म लाग्न सक्छ । सामान्यतया, व्यक्तिले विदेशको प्रक्रिया पूरा गरेर आवश्यक कागजात विदेश मन्त्रालय (Department of State) मा स्वीकृतिका लागि पेस गरेपछिको प्रक्रियाका लागि औसतमा दुईदेखि तिन हप्‍ता (र सम्भवत, मन्त्रालयलाई उक्त व्यक्तिका ’boutमा थप जानकारी आवश्यक परेमा अझ लामो समय) लाग्छ ।

प्रश्‍न ९: राष्ट्रियता परित्यागका लागि कति शुल्क लाग्छ ? के उक्त शुल्क मिनाहा हुन सक्छ ?

उत्तर: “राष्ट्रियता परित्याग प्रमाणपत्रका लागि आग्रहको प्रशासनिक प्रक्रिया चलान” (Administrative Processing of Request for Certificate of Loss of Nationality) का लागि हालको अमेरिकी कन्सुलर सेवा शुल्क २,३५० अमेरिकी डलर छ । यो शुल्क मिनाहा हुन सक्दैन । यस शुल्कका ’boutमा थप जानकारीका लागि सङ्घिय दर्ता सूचनाहरू (Federal Register Notices) हेर्नुहोस् ।

https://www.gpo.gov/fdsys/pkg/FR-2014-08-28/pdf/2014-20516.pdf
https://www.gpo.gov/fdsys/pkg/FR-2015-09-08/pdf/2015-22054.pdf
https://www.gpo.gov/fdsys/pkg/FR-2015-08-25/pdf/2015-21042.pdf

प्रश्‍न १०: मैले मेरो अमेरिकी नागरिकता परित्याग गर्ने निर्णय लिएमा, मेरो प्रवासनका अमेरिकी करसम्बन्धी असरहरू के हुन्छन् ?

उत्तर: प्रवासनका अमेरिकी करसम्बन्धी असरहरू बहिर्गमन कर लागु गराइने लगायतका हुन सक्छन् । अमेरिकी करसम्बन्धी सम्भावित असरहरू निर्धारण गर्न, प्रवासन गर्नुअघि तपाईंले तलका लिङ्कहरूमा भएका सामग्रीको समीक्षा गर्नुपर्छ ।

प्रवासनका करसम्बन्धी असरहरू: https://www.irs.gov/individuals/international-taxpayers/expatriation-tax

अन्तर्राष्ट्रिय व्यक्तिका कर मामला’boutमा आइआरएस (IRS) का प्राय: सोधिने प्रश्‍न सूचि (FAQs): https://www.irs.gov/individuals/international-taxpayers/frequently-asked-questions-about-international-individual-tax-matters#GeneralFAQs

वैदेशिक करदाताका लागि स्रोतसाधन: https://www.irs.gov/individuals/international-taxpayers/taxpayers-living-abroad

अमेरिकी नागरिकता त्याग्न चाहने अमेरिकी नागरिकले भर्ने समझदारीको बयान (Statement of Understanding) ले यस्तो परित्यागले अमेरिकी आयकरबाट छुटकारा प्रदान गर्ने छैन भन्ने व्यवस्था आंशिक रूपमा गरेको छ ।  उक्त व्यक्तिले नागरिकताको परित्याग अमेरिकी कर छल्नका लागि गरेको भनी डिपार्टमेन्ट अफ होमल्यान्ड सेक्युरिटी (Department of Homeland Security) ले निर्क्योल गरेमा, अध्यागमन तथा राष्‍ट्रियता ऐनको दफा २१२(ए)(१०) ले गरेको व्यवस्था अनुसार उक्त व्यक्तिलाई अमेरिकामा प्रवेश दिइने छैन ।

प्रश्‍न ११: यदि अमेरिकी कर दायित्वहरूको पालना नगरेको अमेरिकी नागरिक हुँ भने, पालना गर्ने बन्न कसरी सक्छु ?

उत्तर: बसोबास जहाँ भए पनि अमेरिकी नागरिकहरू विश्‍वव्यापी आम्दानीमा लागु हुने अमेरिकी करको अधीन हुन्छन् । हालसालै जारी गरिएको कर राहत कार्यविधि (Relief Procedures) ले समेटेको अवस्थामा बाहेक, अमेरिकी नागरिकले सोसल सेक्युरिटी नम्बर (SSN) लिनुपर्छ र विश्‍वव्यापी आम्दानीको रिपोर्टिङ गर्दै (र आम्दानीमाथि दोहोरो कर हटाउन आफूलाई लागु हुने कटौती र छुटहरूको लाभ लिँदै) अमेरिकी कर विवरण (Form 1040) पेस गर्नुपर्छ ।

सन् २००८ जुन १६ पछि अमेरिकी नागरिकता त्यागेका अमेरिकी नागरिकले प्रवासनको वर्ष, र सम्भवतः त्यसपछिका वर्षहरू, का लागि अमेरिकी कर विवरण पेस गर्नुपर्नेछ र आइआरएस फाराम ८८५४ (IRS Form 8854) मा जानकारी उपलब्ध गराउनु पर्नेछ । निम्नलिखित मापदण्डहरूमध्ये कुनै एक पूरा हुने भएमा, नागरिकता त्याग गर्ने अमेरिकी नागरिक “समेटिएको प्रवासी” का रूपमा लिइनेछन् र तसर्थ विलम्बित क्षतिपूर्ति, निर्दिष्ट कर विलम्बित खाताहरू, र कोषहरूका वितरणमा लागु हुने बहिर्गमन कर तथा विशेष नियमहरूका अधीन हुनेछन् ।

  • दायित्व: प्रवासन गरेको मितिअघिको ५ वर्षको औसत वार्षिक खुद आयकर मुद्रास्फीति अनुसार वार्षिक रूपमा समायोजन गरिने एक निर्दिष्‍ट रकम (सन् २०१९ मा १,६८,००० अमेरिकी डलर) भन्दा बढी भएको
  • खुद सम्पत्ति: प्रवासन भएको मितिमा खुद सम्पत्ति अमेरिकी डलर २० लाख वा बढी भएको
  • प्रमाणीकरण: आप्रवासन भएको मितिबाट ५ वर्ष अघिसम्म सबै अमेरिकी कर दायित्वहरूको पालना प्रमाणीकरण नगरेको (फाराम ८८५४ प्रयोग गर्नुहोस्)

जन्मजात नै द्वैध नागरिकता भएका केही निश्‍चित नागरिक तथा १८.वर्षको उमेर अघि नै नागरिकता परित्याग गर्ने नाबालकहरू “समेटिएको प्रवासी” को हैसियतबाट अपवादका रूपमा उन्मुक्त हुन्छन् तथापि, आइआरएस फाराम ८८५४ का निर्देशनहरू (Instructions to IRS Form 8854) मा लेखिए अनुसारका अपवादका लागि अनिवार्यताहरू पूरा गरेको भएमा पनि यी व्यक्तिहरूले प्रमाणीकरण परीक्षणको पालना गर्नु अनिवार्य हुन्छ । प्रवासनका करसम्बन्धी असरहरू’boutमा थप जानकारीका लागि यहाँ हेर्नुहोस्: https://www.irs.gov/individuals/international-taxpayers/expatriation-tax

अमेरिकी कर र/वा टाइटल ३१ फाइलिङ (Title 31 filing) दायित्वहरूको पालना नगरेको अमेरिकी नागरिकले नबुझाएका अमेरिकी कर विवरणहरू, सबै अनिवार्य जानकारी विवरण, तथा सबै एफबीएआर (FBARs; Report of Foreign Bank and Financial Accounts on FinCEN Form 114) बुझाउनु पर्छ । गैरपालनाको प्रकृतिमा निर्भर हुने गरी पालनाका विविध विकल्पहरू उपलब्ध छन् ।

उदाहरणका लागि:

 

क) वैदेशिक वित्तीय सम्पत्तिको रिपोर्टिङ गर्न र ती सम्पत्तिमा लाग्ने सबै कर तिर्नबाट अनजानमा चुकेका करदाताहरू स्ट्रिमलाइन्ड फाइलिङ कम्प्लायन्स प्रसिजर्स (Streamlined Filing Compliance Procedures) प्रयोग गर्न योग्य हुन सक्छन् । थप जानकारीका लागि यहाँ हेर्नुहोस्: https://www.irs.gov/individuals/international-taxpayers/streamlined-filing-compliance-procedures  ।

ख) स्ट्रिमलाइन्ड फाइलिङ कम्प्लायन्स प्रसिजर्स (Streamlined Filing Compliance Procedures) को प्रयोग गर्न अयोग्य करदाताले विलम्बित (delinquent) आयकर विवरण सम्पूर्ण अनिवार्य जानकारी विवरणसहित बुझाउनु पर्छ । (हेर्नुहोस् Tax Topic No. 153: What to Do if You Haven’t Filed Your Tax Return https://www.irs.gov/taxtopics/tc153 ।) बदनियतपूर्ण वा छलपूर्ण आचरणका मामलामा बाहेक, करदाताले सामान्यतया ६ वर्षभन्दा बढीको पूर्ण, विलम्बित आयकर विवरण बुझाउनु आवश्‍यक हुँदैन ।

ग) आफूले आम्दानी रिपोर्ट गर्न, कर तिर्न, र अनिवार्य जानकारी विवरण पेस गर्न अक्षम हुनु बदनियतपूर्ण वा छलपूर्ण आचरणका कारणले हो भन्ने चिन्ता भएमा करदाताले आइआरएसको स्वैच्छिक खुलासा अभ्यास (Voluntary Disclosure Practice) ’bout सोच्नुपर्छ र कर व्यवसायी वा कानुनी सल्लाहकारसँग परामर्श लिनुपर्छ । हेर्नुहोस्: https://www.irs.gov/individuals/international-taxpayers/closing-the-2014-offshore-voluntary-disclosure-program-frequently-asked-questions-and-answers

घ) सम्पूर्ण आम्दानी रिपोर्ट गरी सबै कर तिरेको भए पनि एफबीएआर (FBARs) पेस नगरेका करदाताले विलम्बित एफबिएआर पेस गर्ने प्रक्रिया’bout विचार गर्नुपर्छ । हेर्नुहोस्: https://www.irs.gov/individuals/international-taxpayers/delinquent-fbar-submission-procedures

ङ) सम्पूर्ण आम्दानी रिपोर्ट गरी सबै कर तिरेको भए पनि वैदेशिक जानकारी विवरण पेस नगरेका करदाताले विलम्बित  वैदेशिक जानकारी विवरण प्रक्रिया’bout विचार गर्नुपर्छ । हेर्नुहोस्: https://www.irs.gov/individuals/international-taxpayers/delinquent-international-information-return-submission-procedures