मतदान

संघीय निर्वाचनका बेला अमेरिका बाहिर हुने १८ वर्ष उमेर पुगेका सबै अमेरिकी नागरिकले दूरवासी मतदान (एब्सेन्टी भोटिङ) गर्न पाउँछन् । धेरैजसो राज्यहरूले आफ्ना विदेशमा रहेका मतदातालाई राज्य र स्थानीय स्तरका निर्वाचन र जनमत संग्रहमा भोट हाल्न दिन्छन् ।

मतदाताको योग्यता र बसोबासको मापदण्ड पुरा भए नभएको निर्धारण हरेक राज्यले आफ्नै तरिकाले गर्छन् । विदेशमा रहेका मतदाताले सूचीमा आफ्नो नाम दर्ता गरी मतपत्र लिनुपर्छ र मतदान गरिसकेपछि मतपत्रलाई राज्यको स्थानीय अधिकारीकहाँ बुझाउनुपर्छ । फेडेरल भोटिङ असिस्ट्यान्स प्रोग्राम (एफ.भी.ए.पी.) ले मतदानसम्बन्धी सबैजसो सूचना एकै ठाउँबाट दिने प्रयास गरेको छ, तैपनि राज्यहरूले मतदानको अलगअलग व्यवस्था गरेका हुन सक्छन् । फेडेरल भोटिङ असिस्ट्यान्स प्रोग्रामको वेबसाइटमा मतदानसम्बन्धी सूचना पाइन्छ । तर आफ्नो राज्यको मिलिटरी र वैदेशिक मतदानसम्बन्धी वेबसाइटमा गई जानकारी हासिल गर्नु अझ सहज हुन्छ । प्रायः सम्बन्धित जानकारी राज्यहरूको सेक्रेटरी अफ स्टेट वा निर्वाचन आयोगको वेबसाइटमा राखिएको हुन्छ । यसका लागि तल दिइएका लिङ्कहरू उपयोगी हुनेछन् ।

राज्य र क्षेत्रका निर्वाचन वेबसाइट
Alabama Idaho Montana Rhode Island
Alaska Illinois Nebraska South Carolina
American Samoa Indiana Nevada South Dakota
Arizona Iowa New Hampshire Tennessee
Arkansas Kansas New Jersey Texas
California Kentucky New Mexico Utah
Colorado Louisiana New York Vermont
Connecticut Maine North Carolina Virginia
Delaware Maryland North Dakota Virgin Islands
District of Columbia Massachusetts Ohio Washington
Florida Michigan Oklahoma West Virginia
Georgia Minnesota Oregon Wisconsin
Guam Mississippi Pennsylvania Wyoming
Hawaii Missouri Puerto Rico  

 

मतदाता नामावली र दूरवासी मतदान (एब्सेन्टी भोटिङ)

मतदाता नामावली र दूरवासी मतदान (एब्सेन्टी भोटिङ) सम्बन्धी निर्णय सम्बन्धित राज्यहरूले नै गर्छन् । कृपया आफ्नो राज्यको प्रमुख निर्वाचन कार्यालयमा सम्पर्क गरी प्रक्रियाको ’boutमा बुझ्नुहोला र उपयुक्त फारम गर्नुहोला । फेडेरल पोष्ट कार्ड एप्लिकेशन (एफ.पी.सी.ए.) प्रयोग गरेर पनि नाम दर्ता र/वा एब्सेन्टी भोटिङका लागि आवेदन दिन सकिनेछ । एफ.पी.सी.ए. फारम फेडेरल भोटिङ असिस्ट्यान्स प्रोग्रामको वेबसाइटबाट निकाल्न सकिनेछ । यो फारम काठमाडौंस्थित अमेरिकी दूतावासबाट पनि लिन सकिनेछ । फारम राम्रो बुझिनेगरी भरेर हस्ताक्षर र मिति राखी आफ्नो राज्यको स्थानीय निर्वाचन अधिकारीलाई बुझाउनुपर्छ । प्रायः सबै राज्यमा एफ.पी.सी.ए. फारम हुलाकबाट पठाउनुपर्छ । केही राज्यले चाहिँ कार्यवाहीलाई शीघ्रता दिन फ्याक्स वा ईमेलबाट पनि फारम लिन्छन् ।

  • नोट : एफ.पी.सी.ए. फारम आफ्नो स्थानीय निर्वाचन अधिकारीसमक्ष हरेक वर्ष पठाउनुपर्छ । तपाईंले विगतमा विदेशबाट मतदान गरेको भए पनि पठाउनुपर्छ । त्यस्तै, तपाईं आफ्नो नाम, ठेगाना, वा ईमेल परिवर्तन गर्नुहुन्छ भने हरेक पटक यो फारम भरेर पठाउनुपर्छ ।

सामान्यतया आफूले मतदान गर्न पाइने निर्वाचनभन्दा कम्तीमा पैंतालीस दिनअघि स्थानीय निर्वाचन अधिकारीले पाउने गरी मतदाता नामावली सूची दर्ता र एब्सेन्टी भोटिङ्गका लागि आवेदन पठाउनुपर्नेछ । यसो गर्दा उनीहरूले तपाईंको आवेदनउपर कार्यवाही गर्न पर्याप्त समय पाउँछन् । धेरै राज्यहरूले विदेशमा रहेका मतदातालाई इलेक्ट्रोनिक माध्यम प्रयोग गरी ईमेल वा आधिकारिक वेबसाइटमार्फत मतपत्र उपलब्ध गराउँछन् भने कतिपयले अझै पनि हुलाकमार्फत मात्रै पठाउँछन् ।

तपाईंले मतदाता नामावली सूची दर्ता र एब्सेन्टी भोटिङ्गका लागि आवेदन तथा मतदान गरिएको एब्सेन्टी मतपत्र काठमाडौंस्थित अमेरिकी दूतावासमा पनि बुझाउन सक्नुहुनेछ । विदेशमा रहेका आफ्ना नागरिकको सुविधाका लागि अमेरिकी सरकारले एब्सेन्टी भोटिङ्गको प्रक्रिया सहज बनाउन यो सुविधा दिएको हो । आवेदन र मतपत्र कन्सुलर शाखाको सेक्युरिटी चेकप्वाइन्ट भवनभित्रको बाकसमा खसाल्नुहोला । दूतावासले डिप्लोम्याटिक पाउच प्रयोग गरी ती कागजात अमेरिकाको भर्जिनियास्थित युनाइटेड स्टेट्स पोस्टल सर्विस (यु.एस.पी.एस.) मा पठाउँछ । उक्त पत्र यु.एस.पी.एस. को प्रणालीमार्फत सम्बन्धित ठाउँमा पुग्छ । यो प्रक्रियाबाट स्थानीय निर्वाचन अधिकारीकहाँ तपाईको पत्र पुग्न करिब तीन हप्‍ता लाग्छ । खामबाहिर आवश्यक हुलाक टिकट टाँस्नुहोला र पाउने तथा पठाउनेको ठेगाना राम्रोसँग उल्लेख गर्नुहोला । यसरी डिप्लोम्याटिक मेल प्रयोग गर्दा पनि अमेरिकाको हुलाकबाट पठाउँदा जस्तै आवश्यकताअनुसार टिकट टाँस्नुपर्छ । तपाईंको राज्यले टिकटको खर्च पहिल्यै तिरीसकेको खाम उपलब्ध गराएको छ भने चाहिँ अतिरिक्त टिकट टाँस्नु पर्दैन ।

तपाईंलाई मतदानसम्बन्धी केही जिज्ञासा भए काठमाडौंस्थित अमेरिकी दूतावासका मतदान सहयोग अधिकारीलाई ईमेल VoteKathmandu@state.gov मार्फत सम्पर्क गर्नुहोला ।

(Updated May 2018)