अमेरिकी दूतावासद्वारा बिराटनगरमा मोरङ प्रसूति केन्द्रको शिल्यान्यास

२०७६ वैशाख २१

अमेरिकी दूतावासले नेपाल सरकारसँगको साझेदारीमा मोरङ जिल्लाको बिराटनगरमा मोरङ प्रसूति केन्द्रको शिलान्यास समारोह आयोजना गरेको छ । अमेरिकी रक्षा मन्त्रालयको आर्थिक सहयोगमा नेपालद्वारा निर्माण गरिने उक्त १२ लाख अमेरिकी डलर लागतको प्रसूति केन्द्रले सो क्षेत्रमा अति आवश्यक प्रसूति सेवा प्रदान गर्नेछ ।

कोशी अञ्चल अस्पतालको क्षमता हाल सिमित हुनुका साथै स्थानिय नागरिकका आवश्यकता पूर्ति गर्न अपुग छ । मोरङ प्रसूति केन्द्रले उक्त क्षेत्रका प्रसूति बिरामीलाई अस्पतालका शय्या सम्मको पहुँच बढाउनेछ । प्रसूति सेवा सम्मको पहुँचमा हुने वृद्धिले बच्चा जन्माउने बखतको मातृशिशु मृत्युदरलाई घटाउनुका साथै नवजात शिशु र सुत्केरी स्वास्थ्य सेवाहरूमा सुधार ल्याउनेछन् ।

“यस प्रसूति केन्द्रमार्फत नेपालमा स्वास्थ्य सेवा सम्मको पहुँच बढाउन पाएकोमा अमेरिकी जनतालाई खुशी लागेको छ । तर यस केन्द्रले आफ्ना ढोका खोलिसकेपछि  र अझ बढि परिवारहरूले घरमा बच्चा जन्माउनुको साटो यस्ता भवनको प्रयोग रोजेपछि पनि यी सेवाहरूको गुणस्तरमा निरन्तर सुधार गर्नु महत्त्वपुर्ण हुनेछ । यसको मतलब हो कि हामीले स्वास्थ्य श्रमशक्तिमाथि लगानी निरन्तर गर्नुपर्छ र उनीहरूलाई सेवाकालमा उचित तालिम र शिप उपलब्ध छ भन्ने सुनिश्‍चित गर्नुपर्छ,” अमेरिकी अन्तर्राष्ट्रिय विकास नियोग (यूएस्एड्) की स्वास्थ्य विकास अधिकृत मनिका भिलान्वएभाले भन्नुभयो ।

उक्त समारोहमा यूएस्एड्को स्वास्थ्य इकाइ र अमेरिकी दूतावासका Indo-PACOM Augmentation इकाइका प्रतिनिधिहरू; माननीय उपप्रधान एवं स्वास्थ्य तथा जनसंख्‍यामन्त्री श्री उपेन्द्र यादव; प्रदेश १ का माननीय सामाजिक विकासमन्त्री श्री जिवन घिमिरे; बिराटनगर महानगरपालिकाका मेयर श्री भीम पराजुली; र नेपाल सरकार, कोशी अञ्चल अस्पताल, तथा नेपालका सुरक्षा निकायका प्रतिनिधिको पनि उपस्थिति थियो ।

###