भिसा के हो ?
अमेरिका प्रवेश गर्न चाहने विदेशी नागरिकले सामान्यतया सुरुमा भिसा प्राप्त गर्नुपर्छ । भिसा यात्रुको राहदानीमा जारी गरिन्छ । राहदानी यात्रुको नागरिकता भएको देशबाट जारी गरिने भ्रमण कागजात हो । भिसारहित यात्राका अनिवार्यता पूरा गरेको खण्डमा निश्चित केही अन्तर्राष्ट्रिय यात्रुहरू भिसा बिनै अमेरिकाको यात्रा गर्न योग्य हुन सक्छन् । यस वेबसाइटको भिसासम्बन्धी खण्ड अमेरिका जान चाहने विदेशी नागरिकका लागि अमेरिकी भिसासँग सम्बन्धित छ । (द्रष्टव्य : अमेरिकी नागरिकलाई भ्रमणका लागि अमेरिकी भिसा चाहिँदैन तर विदेश जाने सोच बनाएका अमेरिकी नागरिकका लागि आफूले जान चाहेको देशको दूतावासद्वारा जारी भिसा आवश्यक हुनसक्छ ।)
